NoseWork

NoseWork er nýjasta æðið í hundaheiminum, sem gengur út á að nota þefskyn hundsins með því að leita að lykt í ílátum, ílátaleit og efnaleit (svona eins og lögreglu- og fíkniefnahundar læra).

Þessi þjálfun ýtir undir hið stórkostlega þefskyn hunda með því að nýta áhuga þeirra á að leysa verkefni. Nose Work hentar hundum af öllum stærðum og gerðum og er hannað fyrir þá sem leita að rólegu verkefni sem veitir bæði hundum og eigendum þeirra frábæra umbun. Með því að nýta einfalda leitarhæfileika hundsins byggir þjálfunin upp sjálfstraust, losar um andlega og líkamlega orku og styrkir tengslin milli hunds og eiganda. Allar hundategundir geta verið með og eru velkomnar.

Það sem er svo frábært með NoseWork er að það er hægt að stunda hvar sem er. Bæði úti og inni heima hjá sér.

NoseWork  – byrjenda
Á þessu námskeiði förum við yfir öll leitar momentin; innanhúsleit, ílátaleit, utanhúslei og farartækjaleit. Eftir námskeiðið getið þið auðveldlega stundað þessa frábæra íþrótt hvar sem er. Námskeiðið fer fram inna- og utandyra.

NoseWork – framhald 1.
Framhald af NoseWork 1. Á þessu námskeiði förum við dýpra í taumvinnu með hundinum, lærum að setja upp leitarplan og lærum að vinna betur sem teymi með hundinum.  Unnið með innanhúsleit og ílátaleit.  Æfum okkur í mismunandi aðstæðum.  Námskeiðið fer fram að innandyra á mismunandi stöðum.

NoseWork framhald 2.

Á þessu námskeiði förum við yfir utanhúsleit og farartækjaleit, hvernig við setjum upp leitarplan, vinnum með tauminn, hvernig lyktarkeilur virka fyrir hundinn, hvernig hiti, raki og vindur hefur áhrif á leitina. Tímarnir fara fram utandyra á mismundandi stöðum.