Heiðrún Klara Johansen
Hundaþjálfari
Hundaatferlisfræðingur
NoseWork þjálfari
heidrunklara@hunda.is
Heiðrún útskrifaðist sem hundaþjálfari 2012 í virtum skóla sem heitir Hundenshus og er í Stockholm, Sviþjóð. Hún fór svo í framhaldsnám sem er hundaatferlisfræði í sama skóla og útskrifaðist sem hundaatferlisfræðingur 2014.
Lauk NoseWork þjálfaranámi árið 2017.
Heiðrún er eigandi Hundaakdemíunar og sér um skráningar, skipulagsmál og tekur að sér atferlisþjálfun og heldur ýmis námskeið.
Ég er fædd árið 1979 og á Border Collie tík sem heitir Luna og er frá Smalahundafélaginu. Hún er fædd í apríl 2009. Ég er uppalin í sveit og með allskonar dýr í kringum mig.
Við fjölskyldan fluttum til Svíþjóðar þegar ég var 14 ára og kláraði ég grunnskólann þar. Svo fór ég í fjölbrautaskóla sem er landbúnaðarskóli, á hestabraut. Skólinn heitir Lillerud.
Eftir skólan fór ég á vit ævintýranna til Noregs og vann á hóteli í 2 ár og fór svo í Ferðaþjónustuskóla sem heitir Næringsakademíet. Eftir þann skóla fékk ég frábæra vinnu við að mjólka geitur í fjöllunum við Ålesund á vesturströnd Noregs. Það var þar sem ég eignaðist minn fyrsta hund Tommy. Þá kom áhuginn á hundaþjálfun og byrjaði ég að lesa allt sem ég komst yfir um hunda.
Ég lærði hundaþjálfum í virtum skóla sem heitir Hundenshus og er í Stockholm, Sviþjóð og útskrifaðist 5 júní 2012. (námið var 1 ár)
Skólinn er samþykktur af sænska menntamálaráðaneytinu.
Innifalið í náminu er meðal annars;
Hversdagshlýðni. Hvolpaæfingar. Klikkerþjálfun. Jákvæðar aðferðir í þjálfun. Hvolpar og þarfir þeirra. Fullorðnir hundar og þarfir þeirra. Hlýðni fyrir hvolpa og fullorðna hunda og muninn á því. Stress. Vinna með hundinum. Heilsa. Næring. Sjúkdómar. Merkjamál hunda. Hundategundir. Sálfræði
Júní 2013 byrjaði ég í framhaldsnámi í hundaskólanum í Svíþjóð en það nám er viðamikið og heitir á sænsku Hundpsykolog (hundasálfræðingur eða hundaatferlisfræðingur). Þetta nám er sértsakt nám til að takast á við vandamál sem upp koma í hundum. Svo sem hræðsla, árásargirni, stress, gelt og önnur hegðunar-vandamál sem og atferli hunda. Ég útskrifaðist sem hundaatferlisfræðingur í nóvember 2014.
Ég starfaði í stjórn vinnuhundadeildar HRFÍ. ( Hundaræktafélag Íslands) í 2 ár
Viðbótarnám/námskeið
2 júní 2012 – Per Jensen – Hundens språk og tankar. (tungumál og hugsun hundsins)
3 júní 2012 – Björn Forkman – Persónuleiki hundsins
13 okt. 2012 – Frá hvolpi til vandamálahunds, helgi um ýmislegt tengt því að koma í veg fyrir vandamál í framtíðinni.
BAT fyrir hunda með árásargirni, kvíða eða hræðslu – helgar námskeið á Íslandi
Do as I do – helgarnámskeið á Íslandi
2017 NoseWork þjálfara nám.
